ကျွန်တော် နေလို့မကောင်းဘူး ၊ စိတ်တွေ အဖျားကြီး ဖျားတယ် မနှင်းဆီ

ပျော်ရွှင်ခြင်းတွေ ပက်လက်လန်သွားလောက်အောင် မေ့မရခြင်းတွေက ကျွန်တော့်ကို

လာလာတိုက်ခိုက်နေတယ် ။ မျက်လုံးတွေမဖွင့်လည်း မြင်ခွင့်ရှိသမျှ မြင်နေရတယ် ။

တစ်ယောက်နဲ့တစ်ယောက် မကြင်နာကြတာဟာ လမိုက်ညတွေကို ပိုအင်အားကောင်းလာစေတယ် မနှင်းဆီ ။

ကျွန်တော်အပြင်ထွက်တိုင်း စိတ်တွေ လိုက်မလာကြဘူး ။ ရယ်သံကင်းမဲ့ဇုန်တွေမှာ ကျွန်တော့်နာမည်နဲ့

ကုန်ပစ္စည်းအသစ်တစ်မျိုး ထုတ်ချင်တယ်ပြောတယ် ။ ဘယ်လောက်ပဲ အော်ရယ်ပြ ရယ်ပြ သူတို့

လက်မခံကြဘူး ။ ကမ်းလှမ်းမှုအဖြစ် ရယ်သံစစ်စစ်တွေနဲ့ မွမ်းမံထားတဲ့ ပန်းချီကား တစ်ချပ် ၊

ကျူးဘားဆေးပြင်းလိပ်တစ်လိပ် ၊ စိတ်ရှိသလောက်သွားနိုင်တဲ့ ခရီးတွေ ။

တစ်သက်စာ ထုတ်လုပ်ခွင့်သာ ပေးပါ ။ နောက်ဆယ်သက်ထိ

သူတို့ တာဝန်ယူပါတယ်လို့ပြောတယ် ။

ကျွန်တော်က ဆေးစက်ကျရာ အရုပ်ထင်ချင်တဲ့ကောင်မျိုးပါ မနှင်းဆီ ။

ပုလင်းခွံအလွတ်တွေသာ များလာတာ မျှော်လင့်ထားတဲ့ ပုံတစ်ပုံ ဖြစ်မြောက်အောင်

အသက်မသွင်းနိုင်သေးဘူး ။ ကျွန်တော့်ကို လှောင်ပါ ။ စကားလုံးတွေနဲ့ တိုက်ဆောက်တဲ့ကောင်လို့

ပြောပါ ။ မနှင်းဆီရဲ့ အပြုံးတွေနဲ့ပဲ တစ်သံသရာစာ နေသားကျချင်တဲ့ကောင်ပါ ။

ပြည်ဝင်ခွင့်ကိုင်ဆောင်ထားလည်း ပေါ်တင်ချမပြရဲဘူး မနှင်းဆီ ။

ဘယ်ဘာသာ ။ ဘာလူမျိုး ဆိုတာ သိပ်အရေးမကြီးဘူး ။ ကမ္ဘာဦးလူလို့သာ ကျွန်တော့်ကို မြင်ပေးပါ မနှင်းဆီ ။

ကျွန်တော် ရဲရဲကြီး လျှောက်လာခဲ့မယ် ။ ကျွန်တော့်ကို မစောင့်ပါနဲ့ ။ ကျွန်တော့်ဘာသာ

မှီအောင်လိုက်လာခဲ့မယ် ။ ခြေလျင်တစ်လှည့် ပြေးတစ်လှည့်… ဘာပဲ ဖြစ်ဖြစ် ရောက်အောင်လာမယ် ။

ပွင့်လင်းရာသီတွေ မပွင့်မလင်း ဖြစ်နေတာဟာ သတ္တ၀ါတွေအတွက် အသက်ရှူမ၀စေဘူး မနှင်းဆီ ။

ဆောင်းရဲ့အသက်ရှူသံတွေနဲ့ မိုးရေထဲ လျှောက်နေရင်း

ကျွန်တော့်ရင်ဝဲဘက်အုံမှာ လျှပ်စီးတစ်ဖျတ်ဖျတ်လတ်တယ် ။

ဗွက်ထနေတဲ့လမ်းတွေဟာ ကျွန်တော့်စိတ်တွေရဲ့ အတွင်းသားတွေကနေ ပေါက်ဖွားလာကြတာပါ ။

လူတွေက တစ်လှမ်းချင်း လှမ်းသွားတယ် ။ ကားတွေက တစ်ဘီးချင်း လှိမ့်သွားတယ် ။

ခေါက်တုံ့ခေါက်ပြန် ၊ မရပ်မနား ၊ မမောနိုင် မပန်းနိုင် သူတို့ ဖြတ်သန်းနေကြတယ် ။

တွေ့နေကျ လူတွေကသာ မမြဲတာပါ မနှင်းဆီ ။

သောက်နေကျ ဆေးအရေအတွက်က တစ်နေ့တစ်ခြား ပိုပိုများလာတယ် ။

ခင်ဗျားရဲ့ ဖြစ်တည်မှုမှာ ကျွန်တော်ဟာ ဖြတ်သန်းသွားလာခွင့်မရှိတဲ့ သူပါ မနှင်းဆီ ။

ထိပ်တိုက်တွေ့ဆုံခြင်းတွေအတွက် အခွင့်မရှိပေမယ့် စိတ်ကူးနေခွင့်တော့ ကျွန်တော့်ကိုပေးပါ ။

အထီးကျန်ခြင်းရဲ့ နယ်နမိတ်ထဲ ကျွန်တော် ကျပျောက်မသွားခင်အထိ

မနှင်းဆီအကြောင်းတွေချည်း တွေးနေမယ် ။

ခင်ဗျားကို ခင်ဗျား သေချာ ဂရုစိုက်ပါ မနှင်းဆီ ။

ကျွန်တော်ကတော့ ရှေ့လျှောက် ဘာဆက်ဖြစ်မယ် မသေချာဘူး ။

မနက်ဖြန်ရောက်ရင် ဒီနေ့ဟာ ပုံပြင်တစ်ပုဒ် ဖြစ်သွားမယ်ဆိုတာ

ခင်ဗျားရော ကျွန်တော်ရော သေချာသိခဲ့ကြတာပဲမဟုတ်လား ။

နေသာသလိုသာ နေပါ ။ သွားရင်းလာရင်း ငိုနေတဲ့ သူတွေကို တွေ့တဲ့အခါ

ကျွန်တော့်ကို သတိရပေးပါ ။ ညကြီးညနက်ထဲ အိပ်မက်ထဲ လမ်းပျောက်နေတဲ့အခါတွေတိုင်း

ကျွန်တော့်ဆီ ဖုန်းဆက်ပါ ။ နောက်မကျတဲ့ ခြေထောက်တွေနဲ့

ဘယ်ဘ၀ရောက်ရောက်  အပြေးရောက်လာမယ် ။

ဖယောင်းတိုင်မီးကို ကြည့်ရင်း လျှပ်စစ်မီးရောင်အောက်မှာ ထိုင်နေလည်း

ကျွန်တော့်ကို လူတွေမမြင်ကြဘူး မနှင်းဆီ ။ ခင်ဗျားကတော့ သတိတောင်ထားမိမှာ မဟုတ်ပါဘူး ။

ကျွန်တော်ဆိုတဲ့သီချင်းတွေမှာ ကျွန်တော့်စိတ္တဇတွေ ပါ,ပါတယ် ။

မြဲခြင်း / မမြဲခြင်း တရားသဘောကို ကျွန်တော်လက်မခံချင်ဘဲ ကျွန်တော်ကိုယ်တိုင်

လက်မှတ်ထိုးပေးလိုက်ရတယ် ။

တွေ့ / ဆုံ / ကြုံ / ကွဲ ဖြစ်မြဲအချင်းအရာတွေနဲ့ ကျွန်တော်နဲ့ ပနံမသင့်တာလည်း ကြာပါပြီ ။

စာရွက်အလွတ်တွေထဲ စကားလုံးတွေ ကူးခတ်နေတယ် ။

ဘယ်လိုဖမ်းဖမ်း မမိဘူး မနှင်းဆီ ။ ခင်ဗျားရဲ့ အသံနဲ့ နိုးထချင်တဲ့ မနက်ခင်းတွေ

ကျွန်တော့်ကမ္ဘာကို ရောက်မလာကြဘူး ။

ငှက်ကလေးတွေရဲ့အသံလည်း နားဝင်မချိုစေတော့ဘူး မနှင်းဆီ ။

လူပိုတစ်ယောက်အဖြစ် ကူးခတ်နေတဲ့ ကျွန်တော့်ကိုကြည့်ရင်း ပင်လယ်ကြီးတောင် ဖျားနာနေရပြီ ။         ။

-ကြည်နိုင်ဝင်း

August 19

2015

5:16 PM